Անդրանիկի նամակը Զավարյանին

Սիրելի ընկեր

Նամակներդ ստացել եմ և զարմանքով կարդացել. Ես ուր, Օսմանյան պառլամենտի անդամ լինելն ուր:

Այդ ոճրագործների ոհմակները, որ այդտեղ նստած են, ես նրանց չեմ հավատում և երկրորդը՝ իմ գործը այդտեղ գալ ու այդ աթոռին նստելը չէ: Ես փափագում եմ, որ մի օր պատվով մեռնեմ: Ոչ այդ աթոռը, ոչ այդ պաշտոնը և ոչ էլ 50 օսմանյան ոսկի ամսականը չեմ ուզում: Ինձ հանգիստ թողեք իմ բուլղարական հյուղակի մեջ: Ես նախընտրում եմ այստեղ ճակատիս քրտինքով ու բազկիս ուժով ցորեն, գարի, լոբի և գետնախնձոր ցանել, մշակել և ապրել, քան թե գալ ու պառլամենտի անդամ լինել:

Բոլոր ընկերներուս բարև: Ձերդ՝ Պարույր

Վառնա, Բուլղարիա

* 1908թ. երիտուրթական հեղափոխությունից հետո Սիմոն Զավարյանը նամակով դիմում է Բուլղարիայում գտնվող Անդրանիկին՝ առաջարկելով վերադառնալ Պոլիս և դառնալ խորհրդարանի պատգամավոր:

** Պարույրը Անդրանիկի կեղծանունն էր:

Անդրանիկ Չելեբյան, Զորավար Անդրանիկ և հայ հեղափոխական շարժումը, Բեյրութ, 1986թ.