пятница, 17 июля 2015 г.

17.07.2015թ. Մեդիայի անդրադարձը սահմանադրական բարեփոխումների նախագծին


«Չեք անցկացնի» քաղաքացիական նախաձեռնությունն այժմ քննարկում է՝ ինչ հստակ քայլերով պայքարել նախագահին առընթեր մասնագիտական հանձնաժողովի կողմից առաջարկվող սահմանադրական փոփոխությունների դեմ։
Նախագիծը պարզապես սահմանում է, որ Հանրապետականը միշտ պետք է իշխի Հայաստանում, ասում է շարժման ներկայացուցիչ, քաղաքագետ Արմեն Գրիգորյանը։
«Դա գործընթացի հենց սկզբից էլ պարզ էր. դա վերարտադրության Սահմանադրություն է»,- պնդեց Գրիգորյանը։

17.07.2015թ. Մեդիայի անդրադարձը սահմանադրական բարեփոխումների նախագծին

«4-5 տարի դժվար ենք դիմանում, բա 7 տարի ո՞նց ենք դիմանալու»

Սահմանադրական փոփոխությունների հրապարակված նախագծի վերաբերյալ ԳԱԼԱ-ի հետ զրույցում քաղաքագետ Սերգեյ Շաքարյանցը կարծիք հայտնեց, որ ՀՀԿ-ն շատ դեպքերում կրկնում է ՀՀՇ-ի մարտավարությունը, որն ուղղված է իշխանավորի կարգավիճակը հավերժացնելուն:
«Մենք միշտ՝ 90-ական թվականներից սկսած, կասկածում էինք, որ իշխանավորները ցանկանում են պահպանել իրենց իշխանությունը՝ ապահովելով վերարտադրություն, եւ հիմնականում միշտ էլ հիմնավորված էին կասկածները: Հիշում եմ, որ նախկին իշխող կուսակցությունը՝ ՀՀՇ-ն, նախկին նախագահ Տեր-Պետրոսյանը ոչ միայն հույս էին փայփայել, այլ ամեն ինչ էին արել, որ դա լինի: Եվ հենց մեր Սահմանադրությունը, որն ընդունված է 1995 թվականին, ներքուստ, իր բովանդակությամբ ապահովում է նման միտում՝ հավերժացնել ՀՀՇ-ի իշխանությունը: Դեռ այն ժամանակ խոսակցություն էր բարձրացվել, որ սահմանադրությունը եղել է ընդունված՝ կեղծիքներով: Մենք հիշում ենք նաեւ, որ երկրորդ նախագահը՝ Քոչարյանը, հրաժարվեց սահմանադրությունը չեղյալ հայտարարել եւ բավարարվեց միայն փոփոխություններով, եւ Սահմանադրությունը շարունակում է գործել: Այս Սահմանադրությունը 95 թվականից ժողովուրդն այդպես էլ կոչում էր՝ Լեւոնական սահմանադրություն»:

17.07.2015թ. Մեդիայի անդրադարձը սահմանադրական բարեփոխումների նախագծին

18:55 17/07/2015 » Իրավունք

Սահմանադրության նախագծով կյանքից զրկելու մասին դրույթը վերջնական չէ. Սահմանադրագետ

Սահմանադրության նախագծի 23-րդ հոդվածի 2-րդ կետը սահմանում է. «Կյանքից զրկելը չի համարվում կյանքի իրավունքի խախտում, եթե այն հետևանք է այնպիսի ուժի գործադրման, որը բացարձակապես անհրաժեշտ է»: Այսօր լրագրողները Սահմանադրական բարեփոխումների մասնագիտական հանձնաժողովի անդամներից հետաքրքրվեցին, թե ինչպե՞ս են նախագծի հեղինակները մեկնաբանում այս դրույթը և արդյոք այդպիսով չի՞ օրինականացվում սպանությունը:
Վարդան Պողոսյանն ի պատասխան նկատեց, որ սա վիճելի ձևակերպումներ ունեցող կետերից մեկն է հանձնաժողովականների համար և ակտիվ քննարկումները միայն կնպաստեն գտնել առավել օպտիմալ տարբերակներ ու հավելեց, որ այդ դրույթը վերցրել են Մարդու իրավունքների եվրոպական կոնվենցիայից:

17.07.2015թ. Մեդիայի անդրադարձը սահմանադրական բարեփոխումների նախագծին

Անի Քեշիշյան | 15:04 | Հուլիս 17 2015 Խորագիր: Քաղաքականություն «Հանրապետության նախագահի ընտրությունը, ըստ ներկայացված նախագծի, ուղղակի «կլոունադա» է հիշեցնում». Ստեփան Սաֆարյանը՝ սահմանադրական բարեփոխումների մասին

Ինչպես հայտնի է, օրերս հրապարակվել է Սահմանադրական բարեփոխումների հայեցակարգի նախագիծը, որով առաջարկվում է անցում կատարել կառավարման խորհրդարանական մոդելին:
Ըստ այդ նախագծի ՝ երկրի ղեկավարն ընտրվում է Ազգային ժողովի կողմից 7 տարի ժամկետով, առանց վերընտրվելու իրավունքի, ոչ կուսակցական թեկնածուներից։ Իսկ վարչապետն իր պաշտոնը ստանձնում է խորհրդարանական ընտրությունների արդյունքում, կառավարությունը ձևավորվում է վարչապետի կողմից և պատասխանատու է միայն Ազգային ժողովին:
Այսօր տեղի ունեցած ասուլիսի ժամանակ ԱԺ ՀՀԿ խմբակցության պատգամավոր Լեռնիկ Ալեքսանյանը կարծիք հայտնեց, որ այս նոր սահմանադրությունը նպաստելու է մեր հետագա քաղաքական դաշտի բարելավմանը, ինչպես նաև որոշակի նպաստավոր պայմաններ են ստեղծվելու տնտեսության զարգացման համար, այն նպաստելու է նաև ժողովրդավարության հաստատմանը և զարգացման գործին:

17.07.2015թ. Մեդիայի անդրադարձը սահմանադրական բարեփոխումների նախագծին

«Գործող վարչապետին կարելի է փոխել միայն նորին ընտրելու միջոցով. երկիրը չի կարող մնալ առանց վարչապետի». Հրայր Թովմասյան

Պառլամենտական կառավարման ձևում ամենաքննադատվողը «կայուն մեծամասնության» հարցն է: Այս մասին այսօր լրագրողների հետ հանդիպման ժամանակ ասաց ՀՀ նախագահին առընթեր Սահմանադրական բարեփոխումների մասնագիտական հանձնաժողովի  անդամ Հրայր Թովմասյանը:

17.07.2015թ. Մեդիայի անդրադարձը սահմանադրական բարեփոխումների նախագծին

17.07.2015թ. Մեդիայի անդրադարձը սահմանադրական բարեփոխումների նախագծին

17:37 17/07/2015 » Հասարակություն

Նոր Սահմանադրությամբ ևս, Հայաստանում ընտանիք կարող են կազմել միայն կինն ու տղամարդը

Սահմանադրության նախնական տարբերակում այն մշակողները կարևորել են ընտանիքի ձևավորման մասին դրույթները և այն ներառել Սահմանադրական կարգին վերաբերող գլխում: Սահմանադրության նախագծով սահմանվում է, որ ամուսնական տարիքի հասած կինը և տղամարդն իրենց կամքի ազատ արտահայտությամբ միմյանց հետ ամուսնանալու և ընտանիք կազմելու իրավունք ունեն: Ընտանիքը, ըստ Սահմանադրության նախագծի, գտնվում է պետության պաշտպանության ներքո:

17.07.2015թ. Մեդիայի անդրադարձը սահմանադրական բարեփոխումների նախագծին

18:28 17/07/2015 » Իրավունք Վարդան Պողոսյանին և Հրայր Թովմասյանին արդարադատության նախարարի պաշտոն չի առաջարկվել Սահմանադրական բարեփոխումների մասնագիտական հանձնաժողովի անդամներ Հրայր Թովմասյանը և Վարդան Պողոսյանը արդարադատության նախարարի պաշտոնում նշանակվելու առաջարկ չեն ստացել: Այդ մասին այսօր ասացին նրանք` պատասխանելով լրագրողների հարցին: Թովմասյանին ուղղված հարցին, թե կցանկանա ղեկավարել նախարարությունը, եթե առաջարկ ստանա, նախկին նախարարը պատասխանեց. «Ես Կիկոսի մահը հեքիաթը երբեք չեմ սիրել և չեմ սիրում «եթե»-ով սկսվող հարցերին խատասխանել»: Աղբյուր` Panorama.am

17.07.2015թ. Մեդիայի անդրադարձը սահմանադրական բարեփոխումների նախագծին

Գայանե Խաչատրյան | 16:32 | Հուլիս 17 2015 Խորագրեր: Հասարակություն Քաղաքականություն Երբ կարող է ԱԺ պատգամավորների թիվն անցնել 101-ից. Փորձագետները մեկնաբանում են սահմանադրական փոփոխությունները

Սահմանադրության նոր տարբերակը սահմանում է, որ Ազգային ժողովը կազմվելու է առնվազն 101 պատգամավորից, մինչդեռ առավելագույն թիվ չի նշվում: Այսօր ասուլիսում ՀՀ նախագահին առընթեր սահմանադրական բարեփոխումների մասնագիտական հանձնաժողովի անդամներ Վարդան Պողոսյանից և Հրայր Թովմասյանից լրագրողները խնդրեցին պարզաբանել, թե ի՞նչ է դա նշանակում:
«Եթե առաջին փուլի արդյունքում ձևավորվում է մեծամասնություն, երկրորդ փուլի կարիք չկա, ուրեմն ԱԺ պատգամավորների թիվն ուղիղ հավասար է 101-ի: Եթե այդ դեպքը չի և երկրորդ փուլ է իրականացվում, հաղթող կուսակցությունը ստանում է հավելյալ մանդատներ, քանի որ ինքը մեծամասնություն է ստացել: Այդ հավելյալ մանդատները ինքը ստանում է պատգամավորների թվի մեծացման հաշվին, այլ ոչ թե այն մանդատներից հանելով, որոնք ստացել են պարտված կուսակցությունները: Դրա համար էլ այդ թիվը ֆիքսված չի և հոդված 89-ի առաջին մասը նախատեսում է, որ առնվազն 101 պատգամավորից է ԱԺ-ն բաղկացած լինելու»,- ասաց Վ.Պողոսյանը:

17.07.2015թ. Մեդիայի անդրադարձը սահմանադրական բարեփոխումների նախագծին

168.am | 18:04 | Հուլիս 17 2015 Խորագիր: Հասարակություն Շմայսները հայոց լեզվի քննություն կհանձնեն
http://168.am/2015/07/17/517204.html
Սահմանադրական բարեփոխումների նոր նախագծով չի բացառվում, որ Հայաստանի Ազգային ժողովի պատգամավորները հայոց լեզվի իմացության քննություն կամ թեստ անցնեն: Այս մասին այսօր լրագրողների հետ հանդիպման ժամանակ ասաց ՀՀ նախագահին առընթեր Սահմանադրական բարեփոխումների մասնագիտական հանձնաժողովի անդամ Վարդան Պողոսյանը:

17.07.2015թ. Մեդիայի անդրադարձը սահմանադրական բարեփոխումների նախագծին

Կյանքից զրկելը կմնա՞ սահմանադրական նորմ
http://168.am/2015/07/17/517183.html
Սահմանադրության նոր նախագծի 23 հոդվածի 2 կետն ասում է՝ «Կյանքից զրկելը չի համարվում սույն հոդվածի խախտում, եթե այն հետևանք է այնպիսի ուժի գործադրման, որը բացարձակապես անհրաժեշտ է»:

17.07.2015թ. Մեդիայի անդրադարձը սահմանադրական բարեփոխումների նախագծին

Սահմանադրական բարեփոխումների կազմակերպչական հարցերով կզբաղվի Հովիկ Աբրահամյա՞նը
13:21, 17.07.2015 
http://news.am/arm/news/277355.html
ՀՀԿ-ի՝ հուլիսի 16-ին կայացած խորհրդի նիստին նախագահ Սերժ Սարգսյանը հայտարարել է, թե սահմանադրական բարեփոխումների կազմակերպչական հարցերով կզբաղվի վարչապետ Հովիկ Աբրահամյանը: Այս մասին հայտնեցին NEWS.am-ի աղբյուրները:
Մեր տեղեկություններով՝ նախագահը նշել է, որ պետք է շատ ակտիվ լինել, քաղաքացիներին մանրամասն ներկայացնել, թե ինչ է փոխվում, ինչպես եւ այլն: Նա իր խոսքում ասել է, թե սահմանադրական բարեփոխումների կազմակերպչական աշխատանքները մեկնարկելու ժամանակն է, դրանցով  կզբաղվի վարչապետ Հովիկ Աբրահամյանը: Այս հայտարարությունից ոմանք ենթադրել են, որ հենց նա կլինի շտաբի պետ: Մինչդեռ նախագահը հայտարարել է, որ վաղ է շտաբի մասին խոսել, այդ հարցին կանդրադառնան այն ժամանակ, երբ ամբողջովին կձեւավորվեն շտաբները:

17.07.2015թ. Մեդիայի անդրադարձը սահմանադրական բարեփոխումների նախագծին

Վերարտադրման համար ներկայիս Սահմանադրությունն է լավը. Հանձնաժողովի անդամներ 14:24, 17.07.2015
http://news.am/arm/news/277392.html
Իշխանությունների վերարտադրման համար կիսանախագահական եւ նախագահական համակարգերից ավելի լավը չկա: Այս մասին այսօր՝ հուլիսի 17-ին, լրագրողների հետ հանդիպմանը վստահեցրեց Սահմանադրական բարեփոխումների մասնագիտական հանձնաժողովի անդամ Հրայր Թովմասյանը: Հանձնաժողովի անդամներից Վարդան Պողոսյանն էլ վստահեցրեց, որ ներկայիս Սահմանադրությամբ առավել հեշտ է վերարտադրվել: «Սահմանադրության նոր նախագծով ներկայացված համակարգն ավելի ժողովրդավար է, իսկ ժողովրդավարական համակարգը նպաստավոր չէ վերարտադրման համար»,- ասաց Վարդան Պողոսյանը: Նշենք, որ հուլիսի 15-ին հրապարակվել է Սահմանադրության նոր նախագիծը, որը նախատեսում է անցում կառավարման խորհրդարանական համակարգին:

17.07.2015թ. Մեդիայի անդրադարձը սահմանադրական բարեփոխումների նախագծին

«Իյա, իրո՞ք». Փաստաբանը՝ Ս.Սարգսյանի սահմանադրական «բարեփոխումների» մասին
galatv.am
Հարցազրույցը՝ Փայլակ Ֆահրադյանի 17.07.2015 | 19:15

17.07.2015թ. Մեդիայի անդրադարձը սահմանադրական բարեփոխումների նախագծին

Խմբագրական. Ոչ թե վերարտադրում, այլ պետական հեղաշրջում - See more at: http://www.ilur.am/news/view/47261.html#sthash.LjAXMLFa.dpuf

Ասում են, թե սահմանադրական փոփոխություններով իշխանությունը ցանկանում է «վերարտադրվել»: Սա իրականում ոչ այնքան ճշգրիտ ձեւակերպում է, որովհետեւ «իշխանությունը» Հայաստանում միշտ էլ այս կամ այն կերպ «վերարտադրվել է», այսինքն՝ երբեք էլ ընդդիմությունը իշխանություն չի դարձել. կամ ներքին հեղաշրջմամբ, կամ էլ «ժառանգորդ» գործողությամբ «վերարտադրվել է» իշխող խմբի այս կամ այն հատվածը: Խնդրի ճիշտ ձեւակերպումն, ուրեմն, ոչ թե «վերարտադրումն է», այլ փաստացի պետական հեղաշրջումը: Ո՞րն է հեղաշրջման էությունը:

17.07.2015թ. Մեդիայի անդրադարձը սահմանադրական բարեփոխումների նախագծին

17.07.2015թ. Մեդիայի անդրադարձը սահմանադրական բարեփոխումների նախագծին

17.07.2015 14:42 Զուրաբյան. Սահմանադրական նախագիծը Ս. Սարգսյանի իշխանական ամբիցիաների մասին մանիֆեստ է Զուրաբյան.

Սահմանադրական նախագիծը Ս. Սարգսյանի իշխանական ամբիցիաների մասին մանիֆեստ է «Սահմանադրական փոփոխությունների փաստաթուղթը լիովին հաստատում է այն բանը, ինչի մասին մենք զգուշացրել ենք․ որ Սերժ Սարգսյանը այս սահմանադրական ռեֆորմը անցկացնում է մեկ նպատակով՝ սեփական իշխանությունը երկարացնելու նպատակով և շրջանցելու համար երրորդ նախագահական իր պաշտոնավարման սահմանադրական արգելքը»: Այս մասին «Ազատություն» ռադիոկայանի հետ զրույցում նշել է «Հայ ազգային կոնգրես» խմբակցության ղեկավար Լեւոն Զուրաբյանը:

четверг, 16 июля 2015 г.

16.07.2015թ. Մեդիայի անդրադարձը սահմանադրական բարեփոխումների նախագծին

Սահմանադրական բարեփոխումներ 16.07.15 ԱՐՄԵՆ ՄԱՐՏԻՐՈՍՅԱՆ՝ «Ժառանգություն» կուսակցության փոխնախագահ Ամբողջական հոդվածը կարող եք կարդալ այս հասցեով՝ http://yerkirmedia.am/?act=yerkir © Երկիրմեդիա

вторник, 14 июля 2015 г.

Ինչպես է Սաուդյան Արաբիան «աշխատում» արտասահմանյան լրատվամիջոցների հետ


«Լրագրողներ առանց սահմանի» կազմակերպությունը, ուսումնասիրելով Վիկիլիքսի նյութերը, ուշագրավ տեղեկություններ է հրապարակել մեդիադաշտում Սաուդյան Արաբիայի կառավարության գործունեության վերաբերյալ։
Սաուդյան Արաբիան, սահմանափակելով տեղական մեդիայի գործունեությունը, փորձում է «իրենով անել» արտասահմանյան լրատվամիջոցներն ու լրագրողներին՝ Թագավորության դրական կերպարը ձևավորելու նպատակով։
Վիկիլիքսի արտահոսքի պատճառով հանրության սեփականություն են դարձել Սաուդյան Արաբիայի ու դեսպանատների աշխատակիցների նամակագրությունը, որը վերաբերում է 2010-2015 թվականներին։ Հրապարակված փաստաթղթերից հնարավոր է դառնում պատկերացում կազմել Սաուդյան Արաբիայի կառավարության ձեռնարկած գործողությունների մասին, որոնք միտված են բարձրացնելու իրենց երկրի վարկանիշը։
Ըստ անհրաժեշտության՝ տարբեր աղբյուրներից ֆինանսավորվում են մեդիա կազմակերպությունները՝ Միացյալ Թագավորությունից մինչև Իրան ու Սենեգալ, ինչը սովորաբար իրականացվում է ուղղակի նվիրատվությունների կամ հազարավոր բաժանորդագրությունների միջոցով։


Սպասարկման ոլորտի հարգելի աշխատողներ



Եթե դուք աշխատում եք խանութում, ինչ-որ «օֆիսում», բանկում և այս կարգի այլ հիմնարկում, ապա հաշվի առեք մի քանի խորհուրդ.

1. Ես հասկանում եմ, որ ձեր աշխատավարձը ցածր է, բայց ես վստահաբար մեղավոր չեմ։ Այնպես որ՝ իմ վրա մունաթ գալով դուք վիրավորում եք միայն ինձ և ստանում համարժեք պատասխան։
2. Խոսելիս եղեք քաղաքավարի, ավելի շատ ժպտացեք, ես եկել եմ ինչ-որ ապրանք կամ ծառայություն գնելու և չեմ ուզում տեսնել ձեր դժգոհ ու տիեզերական ունայնությամբ լի հայացքը։
3. Հարգելիս, ինձ հետ դու-ով մի խոսիր, որովհետև շատ հնարավոր է, որ իմ երեխայի տարիքին լինես կամ դրա նման մի բան։

воскресенье, 12 июля 2015 г.

Power Point-ի վնասները

Որոշ մասնագետներ գտնում են, որ համալսարանները դասավանդելիս պետք է հրաժարվեն Power Point օգտագործելուց, քանի որ այն «հիմարացնում» է ուսանողին և ձանձրալի դարձնում դասախոսին։ Սակայն համալսարանների մեծ մասը անտեսում է այս խորհուրդը, որովհետև ուսանողների հաջողությունը չափում են ուսանողների բավարարվածությամբ։
Սլայդերի նշանակության գերագնահատումը հանգեցնում է անիմաստ վստահության, թե գիրք կարդալը, դասերին հաճախելը, գրառումներ ու տնային հանձնարարություններ անելը անտեղի է։